भारतले स्वीकृति दिएसँगै '४० मेगावाट विद्युत् बंगलादेश निर्यात'

अर्थ

गृहपृष्ठ
अर्थ

विजुली निर्यात् भारतले स्वीकृति दिएसँगै '४० मेगावाट विद्युत् बंगलादेश निर्यात'

नेपालकभर बिहीबार, कात्तिक २९, २०८१

काठमाडौं । भारतले अन्तिम समयमा स्वीकृति दिएपछि शुक्रबार ४० मेगावाट बिजुली बंगलादेश निर्यात हुने भएको छ । गएको असोज १७ गतेको सम्झौतापछि नेपाल विद्युत् प्राधिकरणले बंगलादेशमा विद्युत् विक्रीका निम्ति पठाएका दुई आयोजनामा भारतले स्वीकृति दिएको हो ।

योसँगै कात्तिक ३० गते शुक्रबार एक दिन बिजुली बंगलादेश निर्यात गरिनेछ । नेपालले जुन १५ देखि नोभेम्बर १५ सम्म ४० मेगावाट बिजुली बंगादेशलाई विक्री गर्न पाउने सम्झौता छ । अन्तिम समयमा स्वीकृति पाएसँगै शुक्रबार दिउँसो विजुली पठाउन लागिएको नेपाल विद्युत् प्राधिकरणका प्रवक्ता चन्दनकुमार घोषले जानकारी दिनुभयो ।

प्राधिकरणले बंगलादेश निर्यातका निम्ति चिलिमे र त्रिशूली जलविद्युत् आयोजनाको नाम प्रस्ताव गरेको थियो । यी दुवै यसअघि भारतीय बजारमा बिक्री भइरहेका आयोजना समेत हुन् । बंगलादेशमा विद्युत् निर्यात गर्न भारतको समेत स्वीकृति आवश्यक हुने सम्झौता छ ।

प्रकाशित मिति: बिहीबार, कात्तिक २९, २०८१ १७:२१