उड्डयन क्षेत्र व्यवस्थित नहुँदा पर्यटन क्षेत्र र अर्थतन्त्रमा असर परेको छ : मन्त्री पाण्डे

अर्थ

गृहपृष्ठ
अर्थ

उड्डयन क्षेत्र व्यवस्थित नहुँदा पर्यटन क्षेत्र र अर्थतन्त्रमा असर परेको छ : मन्त्री पाण्डे

नेपालकभर मंगलबार, असार १७, २०८२

काठमाडौं । संस्कृति, पर्यटन तथा नागरिक उड्डयनमन्त्री बद्री पाण्डेले नेपाल एयरलाइन्स व्यवस्थित भयो भने पर्यटन क्षेत्र र अर्थतन्त्रलाई पनि सुधार गर्न सक्ने बताएका छन् ।
मंगलबार काठमाडौंमा नेपाल एरलाइन्सको ६७ औं वार्षिकोत्सवको अवसरमा आयोजित कार्यक्रममा उनले नेपाल एरलाइन्स सबैसँग जोडिएको विषय भएको भन्दै यसको विकास भएको खण्डमा पर्यटन क्षेत्र र अर्थतन्त्रको विकास हुने औंल्याए ।
उनले भने, ‘राज्यले पनि यसलाई महत्व दिएको छ र जनशक्तिले पनि यसलाई प्रचार गर्ने हिसाबमा प्रस्तुत भएको देखिन्छ । नेपालका नागरिक उड्डयन क्षेत्र राम्रो गरि चल्यो भने पर्यटन क्षेत्रको विकास हुन्छ । नेपाल एरलाइन्स राम्रो भएन भने उड्डयन क्षेत्र राम्रो बनाउने वातावरण नै बन्दैन् । यसरी पर्यटन क्षेत्र पनि अगाडि बढ्न सक्दैँन् । यसले अर्थतन्त्रलाई पनि प्रभाव पार्छ ।’
यस्तै, उनले देश चुनौतीपूर्ण अवस्थाबाट गुज्रिरहेको बेला एयरलाइन्सलाई पनि समस्या भएकाले यसको राम्रो व्यवस्थापन र आर्थिक एवम व्यवसायिक सफलता हासिल गर्नुपर्ने थियो त्यो नभएको बताए ।
उनले भने, ‘हामी निकै चुनौतीपूर्ण अवस्थाबाट गुज्रिरहेका छौ । देशको अर्थतन्त्र पनि चुनौतीपूर्ण नै छ । एयरलाइन्सले जुन व्यवस्थापन र आर्थिक एवम व्यवसायिक सफलता प्राप्त गर्नुपर्ने थियो । भएको छैन् । त्यसैले अबका दिन सुधारको लागि के गर्नुपर्छ भन्ने कुरामा सबैले ध्यान दिनु हुनेछ र निष्ठापूर्वक काम गर्नु हुनेछ भन्ने विश्वास छ ।’
नेपाल एरलाइन्सले पनि सुधारका संकेतहरु देखिने गरि काम गर्ने अपेक्षा गरेको पनि उनको भनाई छ ।

प्रकाशित मिति: मंगलबार, असार १७, २०८२ ११:०१