शिक्षा समितिमा मिडिया काउन्सिल विधेयकमाथि सैद्धान्तिक छलफल : नियमन र स्वतन्त्रताको सन्तुलन खोज्दै

शिक्षा

गृहपृष्ठ
शिक्षा

शिक्षा समिति शिक्षा समितिमा मिडिया काउन्सिल विधेयकमाथि सैद्धान्तिक छलफल : नियमन र स्वतन्त्रताको सन्तुलन खोज्दै मिडिया काउन्सिल विधेयकमाथि सैद्धान्तिक छलफल

नेपालकभर सोमबार, साउन ६, २०८२

४ साउन, काठमाडौं ।
प्रतिनिधिसभाको शिक्षा, स्वास्थ्य तथा सूचना प्रविधि समितिमा आज मिडिया काउन्सिलसम्बन्धी विधेयकबारे सैद्धान्तिक छलफल सम्पन्न भएको छ। छलफलका क्रममा सांसदहरूले डिजिटल युगमा सञ्चार माध्यममा बढ्दो 'फेक न्यूज' र भ्रामक सामग्रीहरूलाई नियमन गर्न यस्ता विधेयक आवश्यक रहेकोमा जोड दिए।

सांसद देवेन्द्र पौडेलले सामाजिक सञ्जाल र अनलाइन माध्यमहरूमा अनियन्त्रित रूपमा गलत सूचना फैलिन थालेपछि व्यक्तिको प्रतिष्ठामाथि समेत आक्रमण हुने अवस्था आएको बताए। उनले भने, ‘मिडिया स्वतन्त्र हुनुपर्छ, तर स्वेच्छाचारी होइन। काउन्सिल स्वायत्त र निष्पक्ष हुनु जरुरी छ, जसले सत्य र जिम्मेवार पत्रकारितालाई प्रोत्साहित गरोस्।’

छलफलमा सहभागी अन्य सांसदहरूले पनि मिडिया काउन्सिल विधेयकलाई संविधानको भावनासँग मेल खाने गरी परिमार्जन गर्न सुझाव दिए। उनीहरूका अनुसार स्वतन्त्र प्रेस र नागरिकको अभिव्यक्ति स्वतन्त्रता सुनिश्चित गर्ने सन्दर्भमा विधेयकले सन्तुलन कायम गर्नुपर्छ।

समितिले आगामी बैठकमा विधेयकमाथि थप बुँदागत छलफल गर्ने तयारी गरेको छ।

प्रकाशित मिति: सोमबार, साउन ६, २०८२ ०६:४६