नेपाल अब अतिकम विकसित मुलुक होइन, सन् २०२६ नोभेम्बर २४ बाट विकासशील राष्ट्रमा स्तरोन्नति हुने

अर्थ

गृहपृष्ठ
अर्थ

नेपाल अब अतिकम विकसित मुलुक होइन नेपाल अब अतिकम विकसित मुलुक होइन, सन् २०२६ नोभेम्बर २४ बाट विकासशील राष्ट्रमा स्तरोन्नति हुने विकासशील राष्ट्रमा स्तरोन्नति हुने

नेपालकभर बिहीबार, साउन १६, २०८२

काठमाडौं साउन २०८२ — नेपालले ५५ वर्षपछि अतिकम विकसित मुलुक (LDC) को सूचीबाट बाहिरिने तयारी गरेको छ। सन् २०२६ नोभेम्बर २४ मा नेपाललाई औपचारिक रूपमा विकासशील राष्ट्रको दर्जा प्रदान गरिने भएको छ। यो नेपालका लागि ऐतिहासिक उपलब्धि मानिएको छ।

संयुक्त राष्ट्रसंघको आर्थिक तथा सामाजिक परिषद्को सिफारिस अनुसार नेपालले आवश्यक तीनवटा मापदण्डमध्ये दुईमा सफलता प्राप्त गर्दै एलडिसीबाट स्तरोन्नति हुने बाटो पक्का गरेको हो। ती मापदण्ड हुन् — मानव सम्पदा सूचकांक (Human Assets Index) र आर्थिक तथा वातावरणीय जोखिम सूचकांक (Economic and Environmental Vulnerability Index)।

नेपाल सन् १९७१ देखि एलडिसी सूचीमा रहँदै आएको थियो। लामो समयसम्म गरीबी, शिक्षा, स्वास्थ्य, र पूर्वाधारको चुनौतीको सामना गर्दै आएको नेपालका लागि यो स्तरोन्नति ठूलो उपलब्धिको रूपमा हेरिएको छ।

नेपाल सरकारले अबको दुई वर्षलाई "स्मूथ ट्रान्जिसन स्ट्राटेजी" अन्तर्गत अन्तर्राष्ट्रिय सहयोग, लगानी प्रवर्द्धन, र व्यापार अभिवृद्धिका कार्यक्रमहरूलाई प्राथमिकता दिने जनाएको छ। साथै, एलडिसी सुविधा गुमेपछि व्यापारमा पर्न सक्ने असर न्यूनीकरण गर्न कूटनीतिक पहल पनि तीव्र बनाइनेछ।

नेपालको अर्थतन्त्र अझै पनि वैदेशिक रोजगारी, कृषि, पर्यटन, र विकास सहायता माथि निर्भर रहेकाले विकासशील राष्ट्रको हैसियत प्राप्त गरेपछि नीति तथा रणनीतिमा गम्भीर रूपान्तरण आवश्यक पर्ने विज्ञहरूको भनाइ छ।