झरीपछिको इन्द्रेणी’ को शुभमुहूर्त सम्पन्न, स्टार कलाकारको जमघट

कला / साहित्य

गृहपृष्ठ
कला / साहित्य

झरीपछिको इन्द्रेणी’ को शुभमुहूर्त झरीपछिको इन्द्रेणी’ को शुभमुहूर्त सम्पन्न, स्टार कलाकारको जमघट स्टार कलाकारको जमघट

नेपालकभर बिहीबार, साउन १६, २०८२

काठमाडौं, साउन १५ – नेपाली फिल्म ‘झरीपछिको इन्द्रेणी’ को आज विधिवत् शुभमुहूर्त गरिएको छ। ललितपुरस्थित धन्वन्तरी बाराही मन्दिरमा आयोजित समारोहमा चलचित्र टिम, कलाकार तथा विशेष अतिथिहरूको सहभागिता रहेको थियो।

चलचित्रमा रमेश उप्रेती, निर्मल शर्मा, दिपाश्री निरौला, गणेश उप्रेती र प्रियाना आचार्य मुख्य भूमिकामा देखिनेछन्। फिल्मको कथा कुमार बेन्जन्कारले लेखेका हुन् भने पटकथा तथा संवाद गणेश कार्कीले तयार पारेका छन्।

चलचित्र अर्जुन घिमिरे ‘पाँडे’ को निर्देशनमा तयार हुँदैछ भने निर्माण पशुपति शिवजी इन्टरटेन्मेन्टले गर्दैछ। निर्माण टिमले फिल्मले सामाजिक यथार्थ, भावना र मनोरञ्जनलाई समेट्ने विश्वास व्यक्त गरेको छ।

विशेष आकर्षणका रूपमा काठमाडौं महानगर प्रमुख बालेन शाह ले चलचित्रमा र्‍याप गीतमा प्रस्तुति दिने जानकारी गराइएको छ। यो खबरले दर्शकहरूमा फिल्मप्रति थप उत्सुकता जगाएको छ।

निर्देशक पाँडेले शुभमुहूर्तपछि पत्रकारसँग भने, “फिल्मले दर्शकको मुटु छुनेछ। कथामा नयाँपन छ, प्रस्तुति फरक हुनेछ।”

फिल्मको छायांकन चाँडै सुरु हुने र २०८३ को प्रारम्भमा प्रदर्शनमा ल्याउने तयारी रहेको निर्माण पक्षले जनाएको छ।

प्रकाशित मिति: बिहीबार, साउन १६, २०८२ १४:५४