म्याग्दीको मंगला–२ रनबाङमा समयमै धान रोपाई, सिचाइ सुविधा पुगेपछि किसान उत्साहित

अर्थ

गृहपृष्ठ
अर्थ

यस वर्ष समयमै धान रोपाई सम्पन्न म्याग्दीको मंगला–२ रनबाङमा समयमै धान रोपाई, सिचाइ सुविधा पुगेपछि किसान उत्साहित किसान उत्साहित

नेपालकभर आइतबार, साउन १९, २०८२

म्याग्दी — म्याग्दी जिल्लाको मंगला गाउँपालिका–२ अन्तर्गत रहेको रनबाङको फाँटमा यस वर्ष समयमै धान रोपाई सम्पन्न गरिएको छ। सिचाई सुविधामा सुधार आएपछि किसानहरू समयमै खेत जोत्न र रोपाई गर्न सफल भएका हुन्।

धान उत्पादनका लागि प्रसिद्ध मानिने रनबाङ क्षेत्रमा अघिल्ला वर्षहरूमा पानीको अभावले गर्दा धान रोपाई ढिलो हुने गरेको थियो। तर यसपालि सिचाइ सुविधा पुगेपछि खेती समयमै सुरु भएको स्थानीय किसानहरूको भनाइ छ।

स्थानीय कृषक विष्णु पुनले भने, “यसपालि सिचाइको राम्रो व्यवस्था भएकोले समयमा रोप्न पाइयो। राम्रो पानी पुगेकाले उत्पादनमा पनि वृद्धि हुने आशा गरेका छौँ।”

रनबाङको फाँटमा विभिन्न जातका धान रोपिने गरिएको छ। समयमै रोपाई हुनाले रोगको जोखिम कम हुने र उत्पादनमा वृद्धि हुने कृषिविज्ञहरूको धारणा छ।

स्थानीय तहले पनि सिचाइ व्यवस्था सुधारमा प्राथमिकता दिएको बताइएको छ। मंगला गाउँपालिकाले किसानलाई सिचाइका साथै धान उत्पादनमा प्रयोग हुने प्रविधिहरूमा पनि सहयोग गरिरहेको जनाएको छ।

धान रोपाई सफलतापूर्वक सम्पन्न भएपछि अब किसानहरू उत्पादनमा केन्द्रित भएका छन्। समयमै वर्षा र उचित मल व्यवस्थापन भएमा यस वर्ष राम्रो बाली हुने उनीहरूको विश्वास छ।