बढ्यो शेयर बजार, कसरी बढ्यो उत्साह ?

अर्थ

गृहपृष्ठ
अर्थ

बढ्यो शेयर बजार, कसरी बढ्यो उत्साह ?

नेपालकभर आइतबार, जेठ ६, २०८१

काठमाडौं । मौद्रिक नीतिको समीक्षापछि शेयर बजारमा रौनक छाएको छ । शेयर बजार मापक नेप्से परिसूचकसहित कारोबारमा समेत साताको पहिलो कारोबार दिन आइतबार उत्साह देखिएको हो ।

आइतबार नेप्से परिसूचक ४५.६९ अंकले बढेर २०६४.४५ विन्दुमा पुगेको छ । यस दिन ५ अर्ब २५ करोड रुपैयाँभन्दा बढीको शेयर कारोबार भएको छ । नीति समीक्षाले बैंकलाई आफूले लगानी गरेको धितोपत्रहरु एक वर्ष पुगेपछि २० प्रतिशतसम्म विक्री गर्न दिने नीति लिएको छ । यसअघि १ प्रतिशतमात्र विक्री गर्न पाउने व्यवस्था थियो ।

यो प्रावधानले शेयर खरिदमा बैंकहरु हौसिने देखिएको छ । यो प्रावधानको सकारात्मक प्रभाव बजारमा परेको अनुमान गरिएको छ । अब बैंकहरुले सस्तो मूल्यका शेयरहरु खरिद गर्न सक्नेछन् । अहिले किनेको शेयर एक वर्षपछि नाफा लिएर विक्री गर्न सक्ने अनुमति केन्द्रीय बैंकले दिएको छ । साथै ब्रोकर कमिसन व्याजदर थप घटेको छ । यी नयाँ व्यवस्थाले शेयर बजारमा सकारात्मक वातावरण सिर्जना गरेको बताइँदैछ ।

यो दिन ३२३ कम्पनीको १ करोड २२ लाखभन्दा बढी कित्ता किनबेच हुँदा ५ अर्ब २५ करोड बढीको कारोबार भएको छ । जसमा १४ करोड ८० लाखसहित कारोबार रकममा सीइडीबी हाइड्रोपावर अग्रस्थानमा रहयो । आइतबार जीवन बीमा र निर्जीवन बीमा व्यवसाय तेहरो अंकले बृद्धि भयो भने उत्पादन तथा प्रशोधन र होटल तथा पर्यटनमा समेत सुधार देखियो । यस्तै, बैंकभन्दा विकास बैंकमा केही बढी सुधार देखिएको विश्लेषण नेप्सेले गरेको छ ।

Nepal-stock,-Mt--1716119811.jpg