सामान्य बढ्यो नेप्से, १४९ कम्पनीको शेयर मूल्य बढ्यो

अर्थ

गृहपृष्ठ
अर्थ

सामान्य बढ्यो नेप्से, १४९ कम्पनीको शेयर मूल्य बढ्यो

नेपालकभर सोमबार, जेठ १४, २०८१

काठमाडौं । साताको दोस्रो कारोबार दिन शेयर बजार मापक नेप्से परिसूचक सामान्य अंकले बढेको छ । सोमबार नेप्से ३.९३ अंकले बढेको हो । यसदिन नेप्से परिसूचक ०.१८ प्रतिशतले बढेर २११३.२७ विन्दुमा बन्द भएको हो ।

१४९ कम्पनीको शेयर मूल्य बढेको छ । ९० कम्पनीको शेयर मूल्य घटेको छ । नेपाल स्टक एक्सचेन्जका अनुसार आठ कम्पनीको शेयर मूल्य स्थिर रहयो ।

यो दिन ९३ लाख ३० हजार बढी कित्ता शेयर किनबेच हुँदा तीन अर्ब ८९ करोड ३७ लाख रुपैयाँको शेयर कारोबार भएको छ । आइतबार चार अर्ब ४४ करोड १५ लाख रुपैयाँको शेयर कारोबार भएको थियो ।

मुक्तिनाथ कृषि कम्पनी र नेपाल वेयरहाउजिङ कम्पनीको शेयर मूल्य १० प्रतिशतले वृद्धि भएको छ । कारोबारमा आएका १३ समूहगत परिसूचकमध्ये बैंकिङ, होटेल तथा पर्यटन र निर्जीवन बीमा समूहको परिसूचक घटेको छ ।

बाँकी १० समूहको परिसूचक बढेको छ । सर्वाधिक परिसूचक वृद्धि हुनेमा लगानी समूह छ । यो समूहको परिसूचक १.८० प्रतिशतले बढेको छ ।