कर्णाली प्रदेशको पुँजीगत खर्च न्यून

अर्थ

गृहपृष्ठ
अर्थ

कर्णालीको बजेट, पारदर्शिता र विकासको दिशा कर्णाली प्रदेशको पुँजीगत खर्च न्यून

नेपालकभर आइतबार, माघ ५, २०८२

कर्णाली प्रदेश सरकारको आर्थिक मामिला तथा योजना मन्त्रालय, वीरगञ्जनगर, सुर्खेत।

सुर्खेत।

कर्णाली प्रदेश सरकारले आर्थिक वर्ष २०८१/८२ को पहिलो ६ महिनामा १३ दशमलव ७४ प्रतिशत बजेट खर्च गरेको छ। पुँजीगततर्फ सात दशमलव ९० प्रतिशत र चालुतर्फ २३ दशमलव ८३ प्रतिशत बजेट खर्च भएको छ।

सरकारले विकासतर्फ १९ अर्ब ९८ करोड २७ लाख रुपैयाँ विनियोजन गरेकोमा हालसम्म १ अर्ब ५७ करोड ९० लाख मात्रै खर्च भएको छ। चालु बजेटमा १२ अर्ब ३९ करोड ८९ लाख विनियोजन भएकोमा २ अर्ब ९५ करोड ४४ लाख अर्थात् २३ दशमलव ८३ प्रतिशत खर्च भएको छ।

भौतिक पूर्वाधार तथा सहरी विकास मन्त्रालयको १० अर्ब ७३ करोड १४ लाखको कर्णाली प्रदेशको पुँजीगत खर्च न्यूनबजेटमध्ये १ अर्ब ८ करोड ६४ लाख खर्च भएको छ। जलस्रोत तथा ऊर्जा विकास मन्त्रालयले ३ अर्ब ५५ करोड बजेटमध्ये २० करोड ५९ लाख ९४ हजार खर्च गरेको छ। सामाजिक विकास मन्त्रालयले २ अर्ब ७८ करोड ३३ लाख १६ हजारमध्ये १९ करोड ४३ लाख खर्च गरेको छ। उद्योग, पर्यटन, वन तथा वातावरण मन्त्रालयको १ अर्ब ४३ करोड ३ लाख ३१ हजारको पुँजीगत बजेटमध्ये ५ करोड १८ लाख खर्च भएको छ। भूमि व्यवस्था, कृषि तथा सहकारी मन्त्रालयको ६४ करोड १६ लाख २९ हजारको पुँजीगत बजेटमध्ये २२ करोड ३३ लाख ८३३ खर्च भएको छ।

प्रदेश लेखा नियन्त्रण कार्यालयका प्रमुख रत्न सुवेदीले अर्धवार्षिक समीक्षा अनुसार यी विवरण प्रदान गरेका हुन्।

प्रकाशित मिति: आइतबार, माघ ५, २०८२ १३:४०