मुख्यमन्त्री लामाको पद धरापमा, कांग्रेसका पाँच नेताको मोर्चाबन्दी प्रकट

राजनीति

गृहपृष्ठ
राजनीति

मुख्यमन्त्री लामाको पद धरापमा मुख्यमन्त्री लामाको पद धरापमा, कांग्रेसका पाँच नेताको मोर्चाबन्दी प्रकट कांग्रेसका पाँच नेताको मोर्चाबन्दी प्रकट

नेपालकभर आइतबार, साउन १२, २०८२

हेटौँडा –बागमती प्रदेशका मुख्यमन्त्री बहादुर सिंह लामाको नेतृत्व संकटमा परेको छ। नेपाली कांग्रेसकै २१ जना प्रदेशसभा सदस्यले हस्ताक्षरसहित अविश्वास प्रस्ताव दर्ता गरेसँगै लामा संकटमा परेका हुन्।

कांग्रेसभित्रकै आन्तरिक गुटबन्दीका कारण मुख्यमन्त्री लामाको नेतृत्वविरुद्ध प्रस्ताव दर्ता भएको हो। लामाको सचिवालयका अनुसार, पार्टीका शीर्ष पाँच नेताहरू शेरबहादुर देउवा, गगन थापा, प्रकाशशरण महत, प्रकाशमान सिंह र बालकृष्ण खाँडको सक्रियतामा यो मोर्चाबन्दी गरिएको हो। ती नेताहरूले आफूनिकट सांसदहरूमार्फत लामाविरुद्ध हस्ताक्षर संकलन गराएको आरोप लागेको छ।

नेताविरुद्धको गुट, लामाको पक्षमा केही सांसद

अविश्वास प्रस्तावमा कांग्रेसका ३७ मध्ये १६ जना सांसदले हस्ताक्षर गरेका छैनन्।
शेखर कोइराला, डिना उपाध्याय र मोहनबहादुर बस्नेत निकटका सांसदहरूले लामाको पक्षमा उभिने संकेत दिएका छन्।
अविश्वास प्रस्तावमा हस्ताक्षर नगर्ने प्रमुख सांसदहरूमा चितवनका उत्तम जोशी, नुवाकोटका रमेशकुमार महत, सिन्धुलीका रामकुमार पहाडी, काठमाडौँकी समिता खड्गी, मकवानपुरकी लक्ष्मीदेवी श्रेष्ठ, धादिङका गोविन्द लम्साल, काठमाडौँका श्यामबहादुर खड्का र ललितपुरका रामकृष्ण चित्रकार रहेका छन्।

बानियाँ पक्षबाट अग्रसर

प्रदेश सभापति जितेन्द्र मोहन बानियाँ निकटका सांसदहरू लामाविरुद्धको प्रस्तावमा अग्रसर देखिएका छन्।
पूर्व युवा तथा खेलकुद मन्त्री मीनकृष्ण महर्जन, विनु रायमाझी, प्रभात तामाङ र छिरिङ दोर्जे लामा सहित पाँच जना सांसदले बानियाँ पक्षबाट हस्ताक्षर गरेका छन्।

कांग्रेसभित्रको शक्ति संघर्ष सतहमा

संसदीय दलको नेताबाट लामा हटाउन कांग्रेसभित्र गम्भीर खिचातानी देखिएको छ।
लामाको सचिवालयको दाबीअनुसार, अविश्वासको औपचारिक कारणभन्दा बढी गुटगत स्वार्थ र सत्ता समीकरणका कारण यो प्रस्ताव आएको हो।

मुख्यमन्त्री लामाले अविश्वास प्रस्तावको सामना गर्ने तयारी थालेका छन् भने कांग्रेसभित्रको यो शक्ति संघर्षले आगामी दिनमा बागमती प्रदेशको सत्ता समीकरणमा ठुलो उथलपुथल ल्याउने संकेत देखिएको छ।

मुख्य बुँदाहरू: